చిన్నారి అమాయకత్వాన్ని గుర్తించకుండా, తాగిన మత్తులో బాలికను వేధించిన తీరు అత్యంత హేయమైన నేరమని అన్నారు. ముఖ్యంగా దళిత విద్యార్థినిపై ఈ విధంగా ప్రవర్తించడం మరింత బాధాకరమని, ఇటువంటి ఉపాధ్యాయులను సమాజం బహిష్కరించాలని డిమాండ్ చేశారు.ఇప్పటికైనా రాష్ట్ర ప్రభుత్వం స్పందించి, ఇలాంటి కీచక ఉపాధ్యాయులపై కఠిన చర్యలు తీసుకుని, ఉద్యోగం నుంచి పూర్తిగా తొలగించాలని ఆయన కోరారు. అలాగే భవిష్యత్తులో ఇలాంటి ఘటనలు పునరావృతం కాకుండా జిల్లా అధికారులు వెంటనే జోక్యం చేసుకొని చర్యలు చేపట్టాలని విజ్ఞప్తి చేశారు.ఆడపిల్లల పట్ల గౌరవంగా మెలిగే విధంగా ఉపాధ్యాయ వ్యవస్థను క్రమబద్ధీకరించాలని, తప్పు చేసిన వారిని ఉపేక్షించకూడదని జనసేన పార్టీ తరఫున స్పష్టమైన హెచ్చరిక ఇచ్చారు.
0 Comments